Stomatologia kosovare, Ardita Dalipi ka ndërruar jetë në moshën 47 vjeçare.
Ajo kishte diplomuar në Universitetin e Prishtinës në vitin 1998. Pastaj ishte shpërngulur në ShBA, ku në Universitetin e Illinosit në Çikago kishte marr titullin ‘DDS’(Doctor of Dental Surgery), transmeton Indeksonline.
Oda e Stomatologëve të Kosovës përmes një postimi ka vlerësuar lart kontributin e saj.
Postimi i plotë i Odës së Stomatologëve:
Njoftim
Ndahet nga jeta në moshën 47 vjecare, Ardita Dalipi mjeke stomatologe e cila u diplomua ne Fakultetin e Mjekësisë në Prishtinë, dega e Stomatologjisë në Universitetin e Prishtinës në vitin 1998. Më pas u shpërngul në SHBA , ku në Universitetin e Illinois në Çikago morri titullin DDS (Doctor of Dental Surgery). Punoi në klinika të ndryshme në Çikago dhe më pas hapi dhe udhëheqi me sukses të jashtëzakonshëm Poliklinikën e saj private “Pristine Family Dentistry”. Kjo është një humbje e madhe jo vetëm për familjen por edhe për komunitetin tonë.
Oda e Stomatologëve të Kosovës vlerëson lartë kontributin e saj profesional dhe shpreh ngushëllimet më të sinqerta familjarëve, miqëve dhe kolegëve të saj.
