Dy organizata të vogla që thirren për mbrojtjen e të drejtave të komunitetit LGBTIQ+, “Dylberizm” dhe “Replik” kanë reaguar ndaj një deklarate të para disa viteve të Emilia Redzepit.
Dy organizatat thonë se zëvëndëskryeministrja kishte shprehur qëndrimin kundër martesave të gjinisë së njëjtë.
Indeksonline ka kontaktuar Redzepin e cila ka thënë se storia televizive është nxjerrur nga kontesti dhe është keqinterpretuar. Ajo ka deklaruar se mbështetët gjitha konventat ndërkombëtare, përfshirë edhe LGBTQ+.
“Gjatë aktiviteteve parlamentare në komisione të caktuara në të cilat diskutuam ligjin për zhurmën, ku shumica e deputetëve thonin se objektet tona fetare prodhojnë zhurmë, duke iu referuar ezanit dhe këmbanave të kishave, unë deklarova publikisht qëndrimin tim se është ofenduese që objektet tona fetare që ekzistojnë me shekuj të tërë, të jenë pjesë e diskutimit tonë në Kuvend. Në atë kontekst është nxjerrë edhe storja e cila sot qarkullon dhe pyetja ku une emocionalisht pata reaguar.
Si Zëvendëskryeministre për Komunitetet Joshumicë dhe të Drejtat e Njeriut, unë mbështes të gjitha konventat ndërkombëtare që mbrojnë të drejtat individuale dhe kolektive të njeriut për të gjitha komunitetet, përfshirë popullatën LGBTQ+” ka thënë Redzepi.
