Profesori i Universitetit të Prishtinës, Milazim Krasniqi, ka bërë një status të çuditshëm në profilin e tij në Facebook në të cilin kërkon “një ministër të jashtëm të krishterë”.
Sipas asaj që shkruan z. Krasniqi, kjo do t’i hapte mundësitë e kontakteve në Perëndim.
Pretendimi i tillë thotë se znj. Gërvalla Schwarz po e ka të pamundur të krijojë kontakte për shkak të kulturës së saj islame, gjë e cila konsiderojmë se nuk qëndron.
Në fakt, znj. Gërvalla Schwarz është kritikuar ashpër për shkak të huqjeve të shumta të bëra në Twitter dhe mungesës së një strategjie lobuese për të rritur gjasat për anëtarësim në organizata ndërkombëtare apo për njohje të reja./Nacionale
S T A T U S I:
Kosova është dashtë që ministër të punëve të jashtme ta kishte në vazhdimësi një shqiptar të krishterë. E sigurt është që mundësia e kontakteve në Perëndim do të ishte më e madhe dhe më efikase, për arsye të kuptueshme. Në vend të një qasjeje të atillë strategjike, qeveritë tona kanë bërë shumë eksperimente të pasuksesshme me ministra të jashtëm. Konceptin e përfaqësimit sipas vendit edhe kuvendi, e kanë pasur të qartë Ismail Qemal Vlora dhe sidomos mbreti Zogu i Parë.Ama ne nuk mësojmë as nga më të diturit tanë. Gjithnjë mbetemi duke e zbuluar ujin e nxehtë, nga e para.
