Gjatë ditës së sotme Policia e Kosovës ka gjetur 120 aparate që shërbejnë për prodhimin e kriptovalutave.
Rasti ka ndodhur në Skënderaj, shkruan Jepi zë.
Për pajisjet e gjetura dhe veprimtarinë e dyshuar hetuesit policor kanë identifikuar një person të dyshuar.
Raporti policor:
Policia në Skenderaj identifikon 120 aparate për prodhimin e kriptovalutave
Skenderaj, 20 prill 2022
Hetuesit e Sektorit Rajonal të Hetimeve në kuadër të Drejtorisë Rajonale në Mitrovicën e Jugut, nën dyshime të arsyeshme për veprimtari të kundërligjshme në orët e mbrëmjes në Skenderaj kanë realizuar një bastisje.
Si rezultat i hetimeve është arritur të lokalizohet dhe identifikohet lokacioni, me çrast bastisja është realizuar në hapësirat e një objekti në rrugën 28 Nëntori në Skenderaj. Gjatë bastisjes janë gjetur 120 aparate të lidhura me pajisje elektrike dhe internet që dyshohen se përdoreshin për prodhimin e kriptovalutave.
Për pajisjet e gjetura dhe veprimtarinë e dyshuar hetuesit policor kanë identifikuar një person të dyshuar.
Lidhur me veprimet e ndërmarra dhe pajisjet e gjetura është njoftuar prokurori i çështjes i cili ka sugjeruar që për veprime të mëtejme hetimore lidhur me rastin dhe pajisjet e gjetura të merren autoritetet doganore.
