Sot u mbajt takim me komunitetin e grave dhe përfaqesues të institucioneve në Komunën e Podujevës e organizuar nga Qendra Kosovare për Studime të Sigurisë (QKSS) në kuadër të projektit “Gender and Security”.
Në takim u diskutua për sfidat dhe pasojat e dhunës ndaj grave dhe dhunës ne familje, si dhe gjetjen e formave më të mira për adresimin e këtij problemi në shoqëri.
Zyrtarja për barazi gjinore në Komunën e Podujevës dhe Përfaqësusja nga Stacioni Policor, në fjalën e tyre paraqiten sfidat dhe theksuan se dhuna ndaj grave është një dukuri shqetësuse, e cila duhet të trajtohet në vazhdimësi e sidomos në këto dy vitet e fundit ku jemi përballur edhe me pandeminë covid-19, duhet të ketë vemendje edhe më të shtuar për parandalimin dhe luftimin e kësaj dukurie.
Takime dhe organizime të tilla do të ketë edhe në të ardhmen në Komunën e Podujevës, me qëllim të gjetjes së zgjidhjeve në luftimin dhe parandalimin e dhunës ndaj grave dhe dhunës në familje.
27.04.2022, Podujevë
Zyra për Marrëdhënie me Publikun dhe Informim
