Profesori universitar Rrahman Paçarizi, ka thënë se takimi i mbrëmshëm mes kryeministrit të Kosovës, Albin Kurti dhe presidentit të Serbisë, Aleksandar Vuçiq, ishte më pak armiqësor.
Paçarizi, në Rubikon në Klan Kosova, thekson se Kurti po mësohet që do të takohet më shpesh me Vuçiqin veçse nuk shpiku ky që dialogu të ketë në qendër njohjen
“Kurti bëri mirë që shkoi në takim mbrëmë, fillimisht ky nuk është takimi i parë mes tyre, prandaj nuk e di se pse u bë kaq e madhe sikur kush e di çka ka ndodh. Ajo çka ka ndryshuar tani është ishte takim më pak armiqësor. Zotëri Kurti po mësohet me idenë se duhet të takohet me Vuçiqin, madje duhet të takohet dhe të diskutojë fatkeqësisht për çështje krejt teknike. Ai tha se në takimin e 13 majit do të flitet për targat.. e edhe për çështjen e të pagjeturve. Çështja e të pagjeturve që ka qenë parakushti pa të cilin nuk do të hyhej fare në dialog, por për targat”, tha Paçarizi.
Ai theksoi tutje se deklarata e Kurtit që “dialogu duhet të jetë në qendër” nuk është shpikje e kryeministrit.
“Më 13 maj do të flitet për dy çështje teknike dhe faktin se dialogu të jetë në qendër, nuk është shpikje e Kurtit në secilën komunikatë të Departamentit të Shtetit, të ish-presidentit Trump, të presidentit amerikan Biden, të sekretarit Blinken që dialogu të jetë me qendër në njohje dhe nuk është shpikje as e Kurtit, as e Vuçiqit, as e Hashim Thaçit” tha Paçarizi.
