Edhe në ditën e Bajramit nuk kanë munguar vjedhjet, pasi një e tillë ka ndodhur sot rreth orës 11:20 në xhaminë “Ebu Hanife”, në Gjilan.
Sinjali mëson se imami i kësaj xhamie ka raportuar në Polici se një person i panjohur ka vjedhur paratë që kanë qenë brenda kutisë për ndihma, të cilat kapin vlerën 7 deri në 8 euro.
Por i dyshuari nuk ka mbetur i lirë për një kohë të gjatë, pasi ai u identifikua nga Policia përmes videoincizimeve dhe më pas i njëjti është arrestuar.
I dyshuari është i moshës së mitur dhe me shtetësi është serb.
