Ministri i Shëndetësisë, Rifat Latifi, i shoqëruar nga drejtori i SHSKUK-së, Valbon Krasniqi vizitoi sot Spitalin Pediatrik-Kirurgjik, Klinikën e Kirurgjisë Torakale dhe Qendrën Emergjente në QKUK.
Siç njofton komunikata, transmeton Express, ai falënderoi personelin shëndetësor dhe atë mbështetës për punën që po bëjnë dhe angazhimin e tyre për t’u ofruar qytetarëve shërbime shëndetësore në çdo kohë.
“Gjatë kësaj vizite, Ministri ka bashkëbiseduar edhe me pacientë që po marrin shërbime në klinikat e QKUK-së dhe familjarët e tyre”, thuhet në njoftim.
