Kryeministri Albin Kurti ka thënë në një konferencë për media se Kosova nuk e ka komoditetin e pranimit të vaksinave gjithandej, siç e kanë edhe shtetet tjera.
Ai është shprehur se vaksina do të pranojnë vetëm nga shtetet që e kanë njohur Kosovën.
Ndërsa, kryeministri Albin Kurti ka thënë se Kosova nuk e ka komoditetin e pranimit të vaksinave gjithandej siç e kanë shtetet tjera.
Ai është shprehur se orientimi i tyre është nga shtetet që e kanë njohur vendin.
“Duhet ta keni parasysh që Kosova duke qenë që nuk njihet nga jo pak shtete në botë, nuk e ka komoditetin e pranimit të vaksinave gjithandej. Orientimi ynë është me shtetet që na kanë njohur andaj edhe e kemi rezervën tonë dhe qëndrimin tonë karshi ofertave të ndryshme të cilat mund të na vinë nga shtetet mosnjohëse”, ka shtuar ai.
Ndërsa, derisa Shqipëria është shprehur e gatshme që të ndihmojë Kosovën në vaksinimin e mësimdhënësve, një gjë e tillë ka dështuar.
Ministri i Shëndetësisë, Arben Vitia ka bërë të ditur se në Shqipëri janë shpenzuar vaksinat e AstraZenecas dhe ato të Pfizer, andaj kanë mbetur vetëm vaksinat kineze.
Vitia ka thënë se nuk ka pranuar që mësimdhënësit kosovar të vaksinohen me vaksina kineze.
“Ne në fillim nga kryeministri Rama dhe ministrja Manastrliu kemi pasur janë ofertë gjeneroze që të vaksinohet personeli shëndetësorë në Shqipëri, ku ne do të organizonim procesin e transportit. Në ndërkohë vaksinat që erdhën në kontingjentin e parë, 24 mijë vaksina, vaksinimi i personelit shëndetësorë më shpejtë ndodhi në Kosovë dhe kam kërkuar nga Qeveria e Shqipërisë që kjo të mundësohet edhe në vaksinimin e kategorive tjera Fatkeqësisht numri i vaksinave Pfizer dhe AstraZeneca janë shpenzuar, dhe kanë mbetur vetëm ato nga Kina”, ka shtuar ai.
