Kryeministri Albin Kurti ka folur për procesin e dialogut Kosovë-Serbi në Berlin të Gjermanisë, pas takimit që ka pasë me kryekanceralin gjerman Olaf Scholz.
Ai, në një konferencë për media pas takimit, ka theksuar se Prishtina e dëshiron një marrëveshje përfundimtare që në qendër ka njohjen reciproke.
“E njoftova kancelarin Scholz për qëndrimin e Kosovës në dialog, Kosova është proaktive dhe konstruktive, jep propozime në linjë me vlerat e përbashkëta me Bashkimin Evropian. Dëshirojmë një marrëveshje përfundimtare që e ka njohjen reciproke jo në fund, por jo në fund por në qendër. Jemi të përkushtuar që të ecim shpejtë dhe të kemi rezultate konkrete dhe të bashkëpunojmë më shumë”,ka thënë Kurti.
Kurti ka theksuar se Kosova e mbështet rikthimin e Procesit të Berlinit.
“Me Procesin e Berlinit për të rifilluar me një dinamikë të re, e mbështesim tregun rajonal që ndodhet brenda Procesit të Berlinit dhe në bazë të rregullave të Bashkimit Evropian, nuk i mbështesim iniciativat paralele”,ka thënë Kurti, njofton Klankosova.tv.
