Kryeministri i vendit Albin Kurti, është deklaruar për darkën e punës që pati sonte me presidentin e Serbisë, Aleksandar Vuçiq në Berlin, të shoqëruar edhe nga ndërmjetësuesi i BE-së, Miroslav Lajçak.
Në një reagim të tij në twitter, Kurti thotë se agresioni i Rusisë mbi Ukrainën, ka shtuar mosmarrëveshjet mes tij dhe presidentit serb, Vuçiq, ndërsa bën të ditur se sonte pati një raund të ri negocimi, përcjell klankosova.tv.
”Agresioni i fundit rus në Ukrainë shtoi mosmarrëveshjet tona. Por ne mbetemi të përkushtuar ndaj dialogut parimor me Serbinë për një marrëveshje të përqendruar në njohjen reciproke. Raundi i sontëm, u zhvillua në Pallatin Borsig në Berlin gjatë një darke pune”.
