Kryetari i komunës së Podujevës, Shpejtim Bulliqi me drejtorin ekzekutiv të organizatës “Qatar Charity” z. Esam Dabab nënshkruan memorandum bashkëpunimi për ndarjen e granteve (serrave për kultivim) për familjet me kushte të rënda ekonomike, ku 70 %e vlerës së projektit do të mbulohet nga organizata ndërsa 30% nga Komuna e Podujevës.
Në faqen zyrtare të Komunës së Podujevë u bë e ditur se gjatë takimit u diskutua për thellim të bashkëpunimit mes komunës dhe organizatës në fushën e bujqësisë dhe shëndetësisë, në theks të veçantë për projektet e përbashkëta të cilat do të kontribuonin në mirëqenien e qytetarëve.
Gjithashtu, kryetari Bulliqi tha se “Përfaqësuesit e OJQ “Qatar Charity”, ndan një lajm të mirë për neve, ku u zotuan që së shpejti do të fillojnë projektin për hapjen e 62 puseve për familjet në nevojë, ku 90% të projektit do të mbulohet nga organizata ndërsa 10% nga komuna e Podujevës”.
