Policia e Kosovës pas kontrollimit të dy banesave në Prishtinë, ka arrestuar katër persona.
Katër të arrestuarit, tri femra dhe një mashkull, të moshave nga 21 – 42 vjeç, dyshohet se janë të përfshirë në veprën penale “trafikim me njerëz dhe posedim i narkotikëve”.
Policia si provë materiale ka konfiskuar: pajisje elektronike: katër (4) telefona mobil, një (1) Llap top, dy USB dhe 2 gram substancë të dyshuar narkotike të llojit Marihuanë së bashku me pajisjet për bluarjen e narkotikeve.
Lidhur me këtë rast, viktima e trafikimit është trajtuar sipas procedurave standarde për viktimat e trafikimit.
Me aktvendim të prokurorit katër të dyshuarit janë dërguar në mbajtje deri në 48 orë.
Policia e Kosovës thotë se do të mbetet e përkushtuar në parandalimin dhe luftimin e veprave penale që përcakton me kod penal dhe do të vazhdojë të ndërmarr masa ndaj të gjithë atyre që bien ndesh me ligjin.
