Policia e Kosovës ka bërë të ditur se një person në Gjakovë është arrestuar pasi i është gjetur drogë e llojit kokainë në oborrin e shtëpisë, shkruan GazetaDemos.
Sipas komunikatës për media, personi në fjalë ka qenë i arrestuar edhe më parë, ndërsa tash e dy muaj Policia ishte në hetim të rastit.
Me datë 30.04.2022, në ora 23.10 me urdhër nga organet kompetente të drejtësisë në Gjakovë, Policia e Kosovës ka realizuar një operacion bastisje në shtëpinë dhe objektet përcjellëse pronë e të dyshuarit të lartcekur dhe ka zbuluar se i dyshuari në vende të ndryshme, përmes metodave të ndryshme ishte duke fshehur substancë të dyshuar narkotike e llojit kokainë, e cila dyshohet se përdorej kryesisht për shitje apo konsum të brendshëm”, thuhet në komunikatë.
