Miliarderi Bill Gates ka folur për divorcin e tij nga Melinda, duke thënë se ndihet ende i pikëlluar që martesa mori fund pas 27 vitesh. Themeluesi i Microsoft zbuloi se dyshja nuk kishin një marrëveshje paramartesore, por ndanë miqësisht pasurinë e tyre të madhe, megjithëse ajo mbajti qenin e familjes.
Miliarderi gjithashtu refuzoi të konfirmonte nëse ai e kishte tradhtuar ndonjëherë ish-gruan e tij pavarësisht spekulimeve se ai kishte lidhje të shumta. Kur u pyet nëse çifti janë ende miq, Bill tha për The Sunday Times: “Në një intervistë ajo zgjodhi të mos e përdorte atë fjalë, por unë do ta përdor.
Ne kemi një marrëdhënie super të rëndësishme, komplekse, të ngushtë ku kemi zgjedhur të punojmë së bashku. Dhe jam shumë i lumtur që punojmë së bashku. Unë jam gjithashtu i pikëlluar njësoj si ajo. Po. E dini, ne jemi rritur së bashku. Kur u martova, po, Microsoft ishte një punë e madhe.”, tha ai.
Çifti ka tre fëmijë, Jennifer, Rory dhe Phoebe, dhe vitin e kaluar, Bill zbuloi se Melinda duhej të mbante qenin. Ai tha se ndarja e pasurisë ishte e drejtë. “Ajo mori qenin. Ajo thjesht më vrau me këtë. Jo, po bëj shaka. Bota duhet ta dijë se sa i keqtrajtuar jam. Ne nuk ishim të këqij me njëri-tjetrin.”, tha ai.
