Një aksident trafiku ka ndodhur sot në orët e mbrëmjes në fshatin Torinë të Lipjanit.
Gazeta Express ka siguruar pamjet nga vendngjarja, ku kanë dalë njësitet e trafikut të Policisë së Kosovës si dhe autoambulanca.
Sipas informacioneve nga dëshmitarë në vendin e ngjarjes, aksidenti është shkaktuar si pasojë e përplasjes së dy veturave me njëra-tjetrën.
Mediat kanë kërkuar informacione nga Policia e Kosovës për aksidentin e ndodhur, mirëpo deri tani nuk ka arritur që të merret një konfirmim zyrtar.
Nuk dihet saktësisht sa persona janë lënduar, por mësohet se disa persona janë dërguar në Emergjencë.
