Lideri i Aleancës Kosova e Re, Behgjet Pacolli ishte shfaqur i hidhëruar shumë me Albin Kurtin, para zgjedhjeve të 14 shkurtit.
Madje, ai në disa intervista ka potencuar faktin që nuk do t’ia falë “kërcënimin” që ia kishte bërë Kurti, se nëse do të hynte në Kosovë dhe nuk do të karantinohej, ai do të arrestohej.
“Kryeministri i vendit doli në intervistë dhe tha se do të më arrestoj aty ku jam. E tha ai vetë. Nuk mund ta pranoj këtë fakt për një vend ku kam kontribuar shumë. Vetëdija e qytetareve eshte rritur. Unë shpresoj tek ta”, kishte thënë Pacolli në një intervistë të dhënë për media para zgjedhjeve.
Madje, nga partia e tij në kushte anonimiteti i kanë thënë Gazetës Blic, se Pacolli po pret nga Kurti që ta thërras në takim, në lidhje me votimin e presidentit.
Megjithatë, ai sot duket se i ka rënë “pishman” edhe për këtë “telefonatë” edhe për atë që kishte thënë se nuk do t’ia falte kërcënimin Albin Kurtit.Pacolli në një intervistë të dhënë për “Prime Time”, thotë se ishte i hidhëruar me Kurtin, të cilit edhe ia kishte votuar Qeverinë, e për të cilën nuk ia kishte bërë as edhe një telefonatë.
“Kanë qenë jofalënderues”, ka theksuar ai.
