Ish-presidenti i SHBA-së, Donald Trump, e quajti gjenocid sulmin e Rusisë ndaj Ukrainës, pasi presidenti aktual Joe Biden e bëri këtë.
Të martën, Biden akuzoi presidentin rus Vladimir Putin për kryerjen e gjenocidit në Ukrainë.
Ish-presidenti republikan Donald Trump, i cili tregoi se mund të kandidojë në zgjedhjet e ardhshme presidenciale në SHBA, përdori gjithashtu këtë term të mërkurën në një intervistë me Fox News, përcjell Gazeta Express.
Pasi kritikoi Bidenin për politikat që çuan në inflacion të lartë, Trump tha: “dhe tani le të shohim ngjarjet në Ukrainë – është gjenocid”.
Republikani, i cili është kritikuar nga shumë për mbajtjen e marrëdhënieve shumë të ngushta me Putinin dhe rusët, më parë e quajti holokaus pushtimin rus, shkruan mediumi amerikan, The Hill.
Trump më vonë përsëriti se Rusia nuk do ta kishte sulmuar Ukrainën nëse ai do të ishte ende president.
